Ағымдағы жылдың 20 қарашасында колледждімізде индустриалдық кеңесінің кезекті отырысы өтті
Ағымдағы жылдың 20 қарашасында Индустриалдық кеңестің кезекті отырысы өтті. Отырысты кеңес төрағасы «Степное» ЖШС директоры А.С.Тулеуов ашты. Кеңес барысында Индустриялдық кеңестің 2024-2025 оқу жылына арналған жұмыс жоспары бекітіліп, алдағы оқу жылына қойылған мақсат-міндеттер айқындалды. Сонымен қатар «Агроинновация» құзыреттілігі орталығының қызметі және қызмет көрсету түрлері; білім алушылардың өндірістік оқыту мен кәсіптік практикадан өтуін ұйымдастыру, түлектерді жұмысқа орналастыру бойынша жұмыстар жүргізу; «Batysskills», «Agroskills» және «Worldskills» чемпионаттары мен кәсіби шеберлік байқауларын өткізудегі әлеуметтік серіктестердің рөлі туралы мәселелер қарастырылып, талқыланды.
